候選亞姐于建茹聲稱不想似楊怡，另一邊廂，前晚播出的劇集《名媛望族》中，楊怡與劉松仁上演激情「咬唇」戲，慘遭網民寸她鼻頂松哥。昨日無綫表示收兩宗投訴，指該場情慾戲令人不安，通訊局過去一周亦累積20宗投訴，均不滿該劇太多情慾及吸煙場面，渲染色情暴力。對於觀眾不滿，松哥說：「要教育吓啲網民唔好只顧睇情慾戲！我亦都冇被楊怡個鼻頂到，咁樣對演員好唔公平，大家應該睇佢做戲，唔好咁無聊！」