EO2 心病解決「復合」
跳舞組合E02自四年前決定各自發展後，近日「復合」在一間夜店拍攝新歌《Wooh Yeah》MV，四子表示其實一直沒有散檔，因此不算重組，他們說：「2008年我哋做完音樂會就各自發展，但當時唔係告別作，只係大家決定分開吓做唔同嘅工作，依家發姣咪走番埋一齊囉！（之後會出碟？）應該唔會，出碟留番畀啲大公司做，我哋現實啲搵錢就夠喇！」
入行九年的E02直言平日很少見面，還自爆大家曾各有心病，尤其與Eric「冇咁夾」，他們說：「又唔係嬲嘅，我哋由1995年開始識，大家好似屋企人咁，不過一家人總會有鬧交嘅時候，但做呢隻歌期間，我哋就三口六面講清楚，問題已經解決咗喇。」