吳鎮宇拍劇出動名錶碌盡人情卡
吳鎮宇、張智霖、余文樂、鄭希怡及邱子傑夫婦等昨晚出席「沙夫豪森IWC萬國錶專賣店」開幕活動，最近有指忙拍無綫新劇《衝上雲霄II》的鎮宇獲贊助多隻名錶，他回應：「其實都係幾隻啫，嗰啲都係自己鍾意嘅牌子，屋企冇啲有face嘅錶，所以先問朋友聯絡錶商贊助。（劇中多私伙？）有，但唔多，喺套劇入面大部分時間都係着制服。今次除咗用好多人情牌外，都碌咗好多credit card。」
至於張智霖則透露明年一月將赴日內瓦參觀錶展，去年跟老婆袁詠儀已去過當地的他，笑言今次不想帶老婆去：「今次唔好同佢去啦，佢上年喺嗰邊都唔知點解買咁多手袋呀，不過講笑啫，開心就得。」提到好友郭富城26日生日，張智霖表示早兩天已跟他與一大班朋友食飯慶祝，問到城城是否年齡報細數？他卻不欲多談。
