Annie G.出水 救生員搶「抄牌」
有「翻版Baby」之稱的Annie G.（吳燕安）雖沒有Big波蕩漾的身材，但她勝在鬼鬼地，予人異國風情的味道！而Annie亦自爆以前去游水最享受的，竟然是被救生員攞電話「抄牌」的歲月，認真度開放！
鬼鬼地的Annie G.沒有乳牛般的逼爆身材，憑純天然的勻稱身材，加上黃色Sharp醒比堅尼，凸顯她擁有西班牙血統的熱情性格！雖然Annie仿似與陽光、海灘融為一體，但原來她的泳術「水皮」，即使前男友教她也學不會，她說：「有次同前男友去泳池，佢本身想教我游水，不過佢教教吓唔知去咗邊，搞到我浸親沉入池底，個腦仲浮現咗好多記憶，以為死硬之際，佢突然手抱我格肋底拉番上嚟，嗰次真係飲咗好多水！」
不諳泳術
儘管Annie永遠去游水只懂踢水，但她卻是挺懷念以前與三五知己戲水、被勇猛救生員搭訕的日子，她笑說：「讀中二至中四嗰陣，一到夏天就成日約同學游水，跟住每次都會有救生員撩同問攞電話！不過當時我都幾膚淺，會睇樣先決定畀唔畀！」
易出雀斑
Annie不諱言現時去沙灘的機會已少之又少，皆因每次暴曬過後都現出「女人天敵」：「依家去沙灘多數都係為咗做嘢，最多都係夜晚去泳池！好記得以前影完八模寫真，隨即變咗一個黑妹！加上我係西班牙人，所以好易生雀斑，試過勁到連膊頭都生雀斑！」
Profile
姓名：吳燕安（Annie Gesela）
血統：中國、西班牙混血兒
年齡：24
三圍：34B、24、34
簡歷：外貌與Angelababy相似而獲「翻版Baby」稱號，2009年被挑選為新八模其中一員，翌年與Hailey C.組成MonsterBeez推出以同性戀為主題的寫真，現時則在nowTV 擔任節目主持。
文：專案組