JC親驗警鐘 禁男友出手

「警鐘胸」Jessica C.(JC)前晚以一襲火紅Tube dress現身關注乳癌活動,低胸上陣露出34C豐乳的她,表示未有聽聞胸愈大愈易患乳癌的傳言,亦抗拒男友代勞按胸檢查,指這是女人的私事,故情願自摸也不靠男友!

JC前晚以一身秋裝與汪圓圓及陳君宜現身Max Mara「LOVE.PINK」關注乳癌活動,JC甫見記者即識做地脫下外套,露出內裏的火紅Tube dress,非常性感惹火!擁有34C豐滿上圍的她被問到會否定時作乳房檢查?她表示:「我有keep住做body check,周圍都會check下,亦會每個月為自己檢查乳房同埋定期搵醫生,因為有乜事都可以及早知道。」

記者笑指胸部愈大愈容易患乳癌?JC即瞪大眼表示未聽聞過。至於會否叫男友Mr.Bond幫手摸胸檢查?她自言女人事要自己做,亦不會給男友知道。而家族中就有女士曾患乳癌,她說:「佢身體向來好好,好彩發現得早,依家已經康復,所以健康嘅人都要時時留意身體。」

汪圓圓唔自摸驗胸

同場的甄子丹姨仔汪圓圓,問她會否定期檢查乳房?她表示應對自己的身體健康負責,每隔一至兩年就做一次body check。至於家族中有沒有人試過患乳癌?圓圓表示:「好多親戚朋友都有試過,但同我有幾親我就唔清楚。」問會否自我摸胸檢查?她一臉尷尬地說:「唔會自己摸。(搵男友蔡加讚幫手?)咁我有聽過拍緊拖係會save(安全)啲,但我無教過男朋友點檢查,但拍拖(對預防乳癌)都係好事。(活動之後會教番男友?)唔知,但會講佢知我做呢個活動。雖然自己仲後生,少啲呢種病,但都會小心啲。」

文:名人組