Angelababy發聲明捍衞「真我」

近日有內地網站聲稱轉載香港傳媒的報道,指藝人Angelababy(楊穎)曾因為美容險出事,前日Baby的經理人Kim在網上發現有關報道,正努力找尋文章的源頭,並考慮提出控告,昨日Kim更發出聲明澄清Baby沒有打過botox。又說有電子媒體致電詢問有關新聞,認為必須作出警告,更戲言:「可能佢哋以為Baby 50歲。」

而Baby對有關報道感到驚訝及生氣:「如果我做過嘅事情,我會承認和接受,但揑造我講嘅話就好可怕,在港初出道時曾經有啲關於我整容嘅報道,後來媒體都知道事實上冇,就冇再報道。去大陸發展後,有好多媒體都有同樣疑問,我都理解,但對於揑造嘅新聞,我覺得好無奈。」她覺得謠言比事實容易被相信,更要捍衞自己的真實!