陳靜胸降銅鑼灣 跳「猛鬼Style」

「百果園咪神」DaDa昨日以羅剎女的造型，與一班嘩鬼在銅鑼灣街頭大跳騎馬舞宣傳萬聖節活動，低胸上陣的她大騷誘人事業線，性感非常，吸引大批途人圍觀及拍照。DaDa表示她是首次在鬧巿跳舞，她說：「氣氛很好，我行過嚟嗰時，沿途好多人見到我都好熱情，好開心。（係咪吸引咗好多『麻甩佬』？）我冇留意。」

想扮紙紮公仔

她又謂今年也會參加主題公園的萬聖節活動，她說：「上年我都有去，今年會同啲新朋友去，有男有女。（有冇男朋友？）我冇男友。今年想扮嚟嚇番佢哋。（係咪扮艷鬼？）艷過今日。我想扮紙紮公仔，塊臉紅卜卜嗰啲，今年想玩盡啲，要性感嘅。（紙紮公仔唔性感喎？）紙紮公仔着唐裝衫，我覺得旗袍都幾靚。」

谷胸金馬戰衣

而有份獲提名今屆金馬獎最佳女配角的DaDa對於當晚的戰衣準備，她說：「唔知可以點性感法，交畀Styling，但幾大都要激啲，我可能會增肥，因為個胸都係脂肪嚟，一肥就會大。（想升到咩Cup？）我想提升個胸形，想胸部再集中啲，着衫靚啲，但唔想太誇張。」

文：名人組