薛凱琪認係「男」強人

薛凱琪(Fiona)昨日出席分享會,與過百大學生分享在娛樂圈的八年經歷,她說:「大家好似睇我呢八年都順風順水,但我想講唔係,今日嘅我得來不易,只係遇到波折都唔會講畀大家聽,自己去解決。」Fiona笑言自己擁有男子的「強」,她說:「日前同朋友傾偈,覺得自己好似男人咁負擔好多嘢,工作上所有嘢都要自己決定同堅持,又要兼顧屋企,其實作為女仔都想撒吓嬌。(可以搵方大同或房祖名撒嬌?)大同好忙唔想煩佢,祖名就成日唔喺香港,長途電話費好貴。」