黃麗梅一腳踼 日賣千碗雲吞麵

黃麗梅當初不再續約亞視，完全沒有想過投資做生意，只因於一間機構工作逾二十年，經歷多次改朝換代感到意興闌珊。她透露突然做老闆完全是機緣巧合：「有次同香港一間著名雲吞麵老闆飲茶，佢想進軍內地市場，知我係廣州人識窿路，所以大家一拍即合，揀喺西關開第一間舖。」

日日畀客鬧

結果May花了不足半年時間籌備，極速在上月正式開張，更日賣千碗麵，但她卻指成功背後亦有辛酸，日日畀人指住鬧：「因為冇預期咁多人幫襯，搞到啲麵下晝就賣晒，排隊食唔到嘅人認得我，拉住我問我點做生意，當時都覺得幾委屈，惟有盡量想辦法安撫佢哋，總之每日都有唔同挑戰。」她更形容在店內的位置等如打雜，包雲吞、淥麵、落單與沖茶一腳踢，日做十幾粒鐘，忙過以前做藝員好多。

現在她一星期有六日在廣州，剩餘一日回港輕鬆一下，她坦言：「我一早喺沙田買咗樓，已經供斷咗一段時間，雖然當年供樓供得好辛苦，賺到錢都唔敢亂用，但依家冇負擔，可以做自己鍾意做嘅嘢。」

文、攝：追蹤組