後輩仰慕封「香港之寶」

陳奕迅：之前有試過搵煇哥想合作做一張大師碟，但最後都唔成事，好想趁佢仲肯寫歌時再傾吓！最鍾意佢為《英雄本色》寫嘅主題曲，首歌好型，一聽就諗起周潤發、張國榮同狄龍。煇哥真係冇得彈，係香港之寶，應該喺西九整個作品展覽！

薛凱琪：覺得煇哥啲歌好Classic，又優雅前衞，要活在當下嘅人聽先有嗰種感覺，自己出埠登台都有翻唱過佢啲經典歌，最鍾意佢首《夢》。

薛凱琪

吳雨霏

吳雨霏：依家好多同我合作嘅音樂監製都係受煇哥影響，覺得佢好勁，特別係同黃霑拍住上做音樂，簡直係最佳拍檔！現今好少音樂人係Pair住上製作咁多好音樂，我都想跟佢學嘢！

鄧紫棋：佢係我好仰慕嘅前輩，對樂壇貢獻好大，最鍾意佢首經典金曲《上海灘》同《獅子山下》，如果可以合作當然係我嘅榮幸！