堪輿學家麥玲玲昨日出席電台錄音訪問時，自言早幾年已預測到黎明和樂基兒會分手：「佢哋初初拍拖嗰陣我已經算過，我話過『佢哋唔會係大家嘅最後一個。』嗰時我仲畀黎明啲fans鬧我，點解唔祝福佢哋，其實分開未必唔好，紅嘅藝人都有好多桃花機會。」她又不看好二人的將來：「照當日咁睇應該唔會復合，其實佢哋已經行得比想像中長。」
