克勤頻頻飛瞓醒唔知碇
歌手李克勤昨日出席商場活動，剛從杭州回來的他笑言：「啱啱落機就過嚟，仲有啲wingwing哋。我喺杭州擔任金雞百花獎的表演嘉賓，非常榮幸以非電影人身份出席，而且大會都好尊重我，容許我唱一首廣東歌。」他又指出近期忙於內地工作，可趁機認識內地。
另外，克勤又透露自己不幸染上感冒：「可能呢排飛得太多，九月至今飛近十多次，有少少感冒，最有趣係有次我瞓醒覺唔知自己喺邊。」問到克勤可有關心近日中日糾紛？他坦言：「我喺內地登台都唔會唱同日本有關嘅歌，以免造成唔好嘅聲音，自己都會少啲唱日文有關嘅歌。」