唐寧林嘉華交換湊仔經

熱爆網站ontv的娛樂資訊又快又新，獨家新聞及追蹤消息具話題性，加上有名人紅星深情專訪，難怪點擊率屢創新高！實力派男星林嘉華及童星出身的唐寧，日前接受由俞詠文主持的《娛樂onShow》訪問，暢談拍劇點滴。兩人轉投王維基公司後，工作不斷，在新劇《警界線》有不少對手戲，唐寧更指該劇是「非一般劇本」，嘉華亦指與一般警匪劇不同。

唔靚都可以入行

嘉華與唐寧已經為人父母，在訪問中亦交流兒女經，嘉華表示23歲的兒子剛畢業，現在加拿大工作，問到會否叫兒子入行拍劇？他笑稱：「靚仔係有佢出路，但係呢行，就算唔係靚仔都有生機。（兒子鍾意呢行？）我見到佢唔係咁雀躍，我覺得佢鍾意幕後多過幕前嘅。」

唐寧表示將來不會刻意鋪路帶囝囝入娛樂圈。

林嘉華和唐寧與主持俞詠文言談甚歡，笑聲不絕。

寶貝仔有選擇權

至於唐寧寶貝仔雖然年紀細細，但相當可愛精靈，對鏡頭亦甚為敏感，問到是否想囝囝步其後塵？唐寧說：「我真係冇咁諗過，始終人生係佢自己，佢有佢選擇權，我未至於話覺得做呢行辛苦，而斷絕叫佢唔好入行，但我唔會刻意鋪路帶佢入行，如果佢有興趣，可以畀佢嘗試同接觸。」現時不少人談論很多父母是「怪獸家長」，嘉華被問到是否嚴父時？他說：「主張小朋友獨立，出發點係幫個小朋友，要企喺小朋友個角度睇。」若要知道嘉華和唐寧拍劇及湊仔經有何趣事，密切留意《娛樂onShow》！

採訪：專案組

攝影：沈健程

場地：川醇