婷婷15歲開始驗胸

謝婷婷前晚出席Estee Lauder集團舉辦的「關注乳癌運動」揭幕酒會暨「粉紅之光」亮燈儀式，其他出席嘉賓還有楊采妮、關心妍、模特兒陳祉妤與Cara G.、Jocelyn等。當中以一身迷人Pink Lady造型示人的婷婷透露從15歲開始，已有定期做乳房檢查的習慣。記者笑言現有男友安志杰為她作檢查，她尷尬回應：「佢都唔識呢啲！」

嫌父母意見過時

談及有傳婷婷與英皇簽約，她坦言並無此事：「都係呢幾日先約滿，仲係好fresh，等多陣先，三年前簽公司，我都考慮咗四個月！（簽公司有咩要求？）最緊要夾，同人要相處得好。」問可有問媽媽狄波拉意見？她說：「冇咩意見，去到我崩潰嘅時候先會畀意見。媽咪、爹哋個年代冇咁複雜，同埋佢哋意見比較outdated（過時）！」她表示現時的發展進展得很好，多了時間做喜歡做的事，問可會自資獨立發展？她說：「冇諗，自己開公司好多嘢做，法律字眼好細微，畀公司抽佣係應該。」

楊采妮指與邱韶智未有結婚計劃。	關心妍表示忙完工作後趕生蛇女。	一眾靚女出席「關注乳癌運動」活動。

與邱韶智感情好

而甚少露面的楊采妮自言以前不錫身，為拍戲拚搏，後來才知道定期的女性檢查十分重要。被問到有傳與舊愛邱韶智復合兼明年拉埋天窗，她即回應：「唔知邊度傳，依家未有咁嘅計劃，（結婚限期？）冇deadline，人與人之間好多變化，順其自然，對感情我向來都低調。（生BB？）都係順其自然。」問到二人現時的感情狀況，她以「非常良好」形容。

至於關心妍表示忙於籌備下個月推出新唱片及年底的演唱會，問家人可有催促生B？她說：「催喇！知道自己年紀差唔多，我希望生兩個，想生蛇女先！」

文：名人組