陳偉霆踩入砵蘭街攞威
自第一代蠱惑仔鄭伊健、陳小春及錢嘉樂等同台聚首後，娛樂圈吹起一股蠱惑仔風，不少電影公司搶拍社團片，首先成功搶閘彈出的，將會是由陳偉霆擔綱演出的英皇電影《紮職》。
場面真實
據知已正式列為三級電影的《紮》片，除粗口、情慾及虐打場面樣樣齊外，更因內容涉及不少社團用語及實況遭電檢處定為三級。為了打響頭威，片中「大佬」陳偉霆（William）計劃吹雞直踩旺角砵蘭街龍潭虎穴之地造勢，隨團出發的還有詩雅、吳浩康、曾國祥及洪杰等，屆時眾人除會以戲中造型亮相外，更會大派宣傳單張，實行以大堆頭另類宣傳手法吸睛。
打拳爆肌
問到直踩砵蘭街虎穴宣傳造勢會否擔心遇上鏹水彈或突襲等意外？William淡定謂：「我哋都只係宣傳電影，又唔係有咩惡意，唔驚。」談到蠱惑風再起，William笑言不怕遭貨比貨：「我哋套戲勝在夠真實，我有信心可以引起共鳴，希望做到新一代蠱惑片icon啦。」為了令蠱惑仔造型更入型入格，William開戲前還特意進行地獄式健身，難怪他在片中一場打拳戲份中成功爆肌搶鏡！
文：影視組