樂基兒依然黎太：你叫咩都得
近日名模樂基兒（Gaile）與天王黎明（Leon）的婚變報道傳個不停，Gaile昨晚出席活動時否認傳聞，但就承認跟前男友吳承浚一起投資，並指Leon也知情；不過當問到是否仍可稱她作「黎太」？她就謂稱呼她甚麼也可以。
昨晚樂基兒與周杰倫女友昆凌、岑麗香、Jocelyn等出席活動，焦點當然落在近日頻傳跟黎明離婚的樂基兒身上，甫到場的Gaile似有備而來，先答謝傳媒的關心，然後說：「我都係尋（前）日先返到嚟香港，我有睇過啲報道，唔係咁真，不過你哋問啦！（係咪要澄清番離婚報道？）八卦雜誌嘅嘢我唔會答，因為唔係真，（同黎生感情點？）我唔會答，今日嚟做嘢！我入咗行咁多年，都成日有呢啲事情發生，不過唔好騷擾到其他人，就算係我或者Leon都好，我哋都接受到，但唔關故事嘅人就唔好騷擾到佢哋，（有人問過你媽咪？）媽咪住喺外國，唔慣接觸記者，唔想煩到屋企人。」談到早前她生日低調度過引來婚變揣測？她就表示人大了不想大事慶祝；記者續問二人是否有第三者？她繼續否認：「冇可能，我哋大家都好少喺香港，唔明點解變咗咁嘅故事？」
此外，問到有指她跟前男友吳承浚一同投資餐廳？對此她承認說：「我哋2004年開始一起投資，Leon都知，不過大家好耐冇見，但唔關事嘅人就唔好騷擾，因為仲有其他投資者！」記者表示關心她的感情狀況？她笑說：「關心係發自心裏面，唔係去騷擾人哋，（可唔可以叫你做黎太？）你叫我咩都得。」
昆凌拍拖有壓力
而同場的昆凌被問到會否擔心跟周杰倫就如Leon和Gaile般因年齡問題而生摩擦？她即說：「有啲唔同，年齡差距唔係大問題，我鍾意成熟嘅男人，（同天王拍拖會否有壓力？）開頭都有，但都要面對。」她謂暫時沒有結婚打算。
文：名人組