任賢齊遭陳昇灌醉被抬走
任賢齊（小齊）昨日接受now訪問，期間小齊向主持人陳海琪提到，自己雖入行多年，經常出席各類應酬和晚宴，但其實酒量麻麻，曾試過在慶功宴上醉到不省人事，要勞煩工作人員抬他回酒店房：「次次都係陳昇灌醉我，但依家年紀大，唔敢再飲得太多。」
談到陳昇，小齊表示︰「佢係我哋師兄，又好貪玩，成日都灌醉我，所以佢都好怕見到Tina（小齊女友）。」又笑言他跟陳昇兩人十多年前都試過在表演場地喝醉酒，因而被場地方面列入黑名單。而小齊前晚出席另一活動時，就提到12月將在台北小巨蛋開騷，並找來五月天的音樂班底合作。