黃子華再拍嘟嘟省無綫招牌
無綫近年四面楚歌，不少小生、花旦及幕後人才相繼離巢，令無綫頭痕，不過無綫正積極救亡，據悉監製徐正康有意撮合「福將」黃子華夥拍鄭裕玲，明年返無綫拍劇，期望再創收視神話！
無綫明年將會面臨城市電訊及Now電視台迎面夾擊，無綫不敢怠慢，總監（戲劇製作）曾勵珍力邀昔日舊將回巢，包括監製徐正康返無綫。據悉徐正康滿腹密圈，除邀來黎耀祥和陳豪合演律師新劇外，其老拍檔黃子華亦答允明年「交人」拍劇。據知徐正康擬再撮合他和鄭裕玲（嘟嘟）合作，亦是這對「鑽石組合」相隔13年後再攜手拍劇，力圖再創無綫收視奇迹！
《男親女愛》49點收視
由子華及嘟嘟於2000年擔演的處境劇《男親女愛》，創下收視佳績，最高達49點收視紀錄，反應極佳。徐監製表示每次見到嘟嘟，也游說她「復出」，他說：「嘟嘟冇話拒絕，只係話睇吓點，最緊要係睇角色同埋劇本，雖然挑戰高難度，但都希望成事。」他又表示已聯絡子華，對方正忙於棟篤笑，故暫未構思到新劇角色。
其實子華堪稱無綫收視「福將」，據悉不少花旦包括楊怡、陳法拉和鍾嘉欣等，得悉子華明年返無綫拍劇，也躍躍欲試，爭取機會與子華大演對手戲。
張兆輝為還人情債
除了子華外，無綫最近亦誠邀昔日舊將救亡，早前已找來吳鎮宇及張智霖拍攝重頭劇《衝上雲霄II》，據悉關詠荷和歐陽震華亦將再度合作；而張兆輝、周海媚（海味）和謝天華，亦於12月拍攝紀律部隊新劇，問張兆輝是否返無綫救亡？他說：「唔好咁講，TVB使乜人救亡呀？（有新鮮感？）唔係新鮮感，大家懷舊啫，之前城電都有搵過我，但我還番TVB人情債，所以先拍，今次係第3次同海味合作。」另外，據知天華在劇中飾演反派，張兆輝期望與對方擦出火花，他說：「佢飾演嘅『Laughing哥』咁紅，點會唔OK呀？佢有信心保證。」
文：專案組