歌手胡鴻鈞（Hubert）昨日出席新碟處男簽唱會，逾百名粉絲到場支持。他自言在拍攝大碟封套時頻頻chok樣，問他是否想與林峯較量？他笑說：「唔好咁講，我入行最大嘅困難就係面對鏡頭，好彩今次攝影師叫我擺cool樣就得！」
對於星煥高層何哲圖現身撐場，Hubert坦言要請食飯報答他。另外，提到巨聲幫好友周志文被傳搭上視后胡杏兒，他說：「呢排好忙，唔得閒八卦吓！相信佢哋只係拍劇，但我覺得同前輩多啲交流係好事。（接受姊弟戀？）我對拍拖冇咩憧憬，不過真心鍾意對方都冇所謂！」
