達明嫂頻撲照顧子女
張達明患病，其臨床心理學家太太何念慈隨即擔起照顧全家的重任，除了看護患病中的丈夫，更要花上不少心力照顧兩名年幼子女。上周六張太中午時分乘的士回家，只見她手持３大束鮮花落車，打算回家以花朵布置家居，讓達明在病榻上亦添上幾分生機。
至下午２點半張太再次出現，她拖實女兒先橫過馬路寄信，再折返會合拿着魔術棒和英文書的兒子，一行三人由西貢寓所外乘小巴去彩虹，出了市區才齊齊轉的士往尖沙咀，一於慳得就慳，不亂花一分一毫。
張太帶同兩名子女於YMCA外下車，一手幫仔女拿着裝有畫簿的環保袋，一手拖實女兒，記者上前問到達明病情，張太禮貌地說：「你哋自己上微博睇，影相冇所謂呀，但唔好嚇親啲細路，我唔係圈中人，唔方便講咁多嘢。」繼而保護一對子女入電梯後離去。