陳慧琳萬聖節蒸熟囝囝

霆鋒、Kelly、羅蘭和黃偉文（Wyman）前晚應邀出席活動，雖然活動中霆鋒名為「黑夜大帝」，但他沒作特別打扮，相反Kelly則相當認真，一頭大曲髮配上白面紅唇，全黑造型冶艷非常，張開手擺甫士時更險打中霆鋒。

花六粒鐘打扮

台上海洋公園主席盛智文亦有扮鬼扮馬，並邀請霆鋒和Kelly帶他們的小朋友來玩，Kelly即「女王」上身兼壓低聲線說：「我會買兩個蒸籠，諗住蒸熟佢哋（兩個兒子）。」Cool爆的霆鋒亦玩埋一份：「咁你幫我買多兩個，因為一籠有四個。」Kelly鬼馬說：「要買埋點心車推晒佢哋出嚟。」引來全場爆笑。

盛智文（左起）、陳慧琳、羅蘭、謝霆鋒、黃偉文齊應邀出席活動。

陳慧琳張開手擺甫士險打中霆鋒。

之後Kelly接受訪問堅持忍笑，怕鮮紅唇膏弄污牙齒，她一身造型專程找美指奚仲文來做，單是化妝髮型就花了六小時。而這個驚艷造型Kelly稱沒有給兩個仔見，怕他們發噩夢。講到萬聖節可為「蝦餃仔」和「小龍包」打扮？Kelly笑言會買兩個蒸籠給他們掛住扮點心，自己扮筷子，老公就扮茶壺。

將赴南京演出

至於霆鋒稱在活動前後都有工作才未有扮鬼扮馬。問到是否要保持老闆形象？霆鋒謂：「唔關事。（當年你同Eason扮孖辮妹Puffy?）呢啲就係17歲同32歲分別。」霆鋒透露將要到南京演出，問到可擔心抗日情緒高漲？霆鋒謂是官方活動，大會將有恰當安排。

文：音樂組