城城：冇食日本菜好耐

天王郭富城及陳豪前晚到旺角鬧市出席PCCW旗艦店開幕儀式，吸引大批市民圍觀，城城獲大會送贈手機。提到最近內地有激烈反日示威，兩位型男均呼籲民眾要理性冷靜，城城透露其內地工作照舊，亦不會勸阻緋聞女友熊黛林（Lynn）返內地工作：「我啱啱先去珠海賽車，之後去北京宣傳電影。（罷買日貨？）冇食日本菜好耐啦！（梁朝偉斟日本戲畀人鬧！）每個人做嘅嘢唔同，我會放多啲時間去中、台、星馬。」陳豪則認為示威不應傷及無辜，問到會否叫女友陳茵媺小心？他笑言人人都要小心，至於會否罷買日貨，他表示應先處理暴亂問題。

愛駒周日首度出賽

至於陳豪身穿職員制服行Catwalk，對於新服務令家居自動化，問到會否裝攝錄機(目及)實女友陳茵媺？他笑說：「(目及)實啲咖啡豆呀！其實都係講信任，我唔介意畀佢(目及)嘅。（赤裸裸？）咁要打格仔！」

城城（左二）、陳豪（右二）前晚出席電訊公司旗艦店的開幕儀式。

陳豪穿上電訊公司職員制服行騷。

此外，城城昨晚出席另一活動時，透露他購自澳洲的愛駒「愛的呼喚」將於周日出賽，屆時會與陳百祥的愛駒「莫己若」同場較量。對於自己馬匹首次出賽，城城表示會由北京趕返港到馬場支持，他說：「騎師着紅黑格仔圖案衫，有顆星星，希望騎師有Luck，我都會着住同款嘅衫到場，幫隻馬打氣。」問城城會否帶同Lynn入馬場時，他表示馬匹尚未有充足信心，待有把握時候，會叫更多朋友到場支持，至於會否跟Lynn過中秋？他說：「嗰兩日要去澳門做巡迴騷。（請Lynn？）唔答。」

文：影視組