吳雨霏：好聽咪唱囉
吳雨霏（Kary）早前以環球一姐身份為有線外購劇唱主題曲兼拍MV，昨日Kary開腔回應，否認與有線聯手剃無綫眼眉，她說：「吓！咁搞笑？唔好咁講，我係吳小朋友，絕對唔係咩聯手咁嘅意思，始終係合作關係。」並詳細解釋為何會唱主題曲，她說：「接到公司通知，有線有套劇想我唱主題曲，收到首歌覺得好聽咪唱囉，我依照公司指示去做。（有冇睇過套劇？）睇咗少少，有時間都想睇。」
Kary坦言多一個渠道宣傳是好事，問到想不想拍劇？她說：「公司同我講希望下年安排我拍劇同拍戲，我冇所謂。」四大歌手之一的她被問到是否與無綫傾唔掂數？Kary說：「公司好耐冇Update我，當然有共識就最好啦。（覺唔覺成為公司犧牲品？）向好方面諗，都係演出機會。」