馬國明：唔怕畀人話我窮
馬國明愛實際怕排場，雖是上位一線小生，但至今仍會搭港鐵逼廠巴去開工。應使得使，目標是儲錢買樓去，曾誤信山埃貼士，買股票蝕五十萬入晒肉，始終買樓最實際。
我向來目標明確，就係買間更大的樓給家人更舒適的生活。從來對物質及名牌不大追求，所以常被取笑着衫零taste，我為人實際，愛計數，平時只愛搭港鐵，雖然我有車，但有時搭港鐵更方便。我不是有錢就換車那類人，我架五座位車已有四年，如果要換就換部七人車，因為可載更多家人去郊遊。我不介意你說我孤寒，但我清楚明白，如果花費在家人及屋企上，一定不算是浪費，反而叫我買過百萬元的名車或名錶，要搞這些排場，我不知道意義何在。
愛搭港鐵
相比其他明星，可能大家都覺得我怪，但如果我不是做這行，我其實很正常！我不怕人家說我窮，周潤發搭巴士，你們說是親民，那為甚麼其他明星去大牌檔或搭港鐵就被指為窮？標準是看你如何訂。搭港鐵時，頂多有觀眾走來說要合照簽名，不覺得有何不方便。
擔起頭家
買股票？真的怕怕不敢！早年相信朋友的所謂貼士，怎料蝕到損手爛腳，蝕了差不多五十萬！雖然當時用多餘錢去買，但全是有血有汗，真的好心痛。拍劇可以賺得幾多？都是靠外快，因為一鋪而「衰咗」，惟有寄望隻股升番。幸好向來冇家庭負擔，是近這十年父親退休，我才正式叫做擔起頭家，所以，現在都是密密儲錢，買磚頭較穩陣，希望可以快點換樓，買間大些的屋將來繼續和父母同住。
口述：馬國明
筆錄：專案組