藝人蕭正楠出席《地捫邁向120週年》活動，他說：「其實今年都係我出道十周年，本來想搞mini concert，但因為要拍無綫劇冇時間，唔搞喇，fans多少都會有啲失望，但做呢行忙至好，我感覺公司好畀機會我，畀好多重要角色我做，我都要把握機會做好啲。（想做番歌手出碟？）其實近呢一年公司都畀咗好多機會我唱劇集主題曲，我唔會刻意強求出碟，但有咁嘅工作機會當然歡迎，總之順其自然。」
