千嬅「生完似速龍」，情緒起伏頗大，而剛誕下囡囡的文頌嫻，目前仍在「坐月」階段，面腫未消又未洗頭，故日前一班好友上門探其囡囡時，她亦不願上鏡，只有姚樂怡、關寶慧、鍾麗淇和汪琳等滿心歡喜抱着其女Jamie拍照放上微博。
尚有十日坐月期，文女坦言似坐監，因為她本身愛出街，又愛隨意食嘢，但由於目前要餵人奶，所以食東西前都會諗清楚。文女坦言因未消腫而失去自信，情緒波動也比較大：「有時我都會亂諗嘢，試過抱住囡囡餵奶時喊，好彩都不時有朋友嚟探我傾吓偈。不過老公都會陪我食『坐月飯』！（老公呵番？）其實老公都有抑鬱，佢陪我生時，出院後都病咗一個星期，佢心情都有波動o架！」