黃偉文疑遭恐嚇:我唔會驚

填詞人、時裝達人黃偉文(Wyman)昨日在微博透露收到疑似恐嚇手機短訊,對事件一頭霧水的他問心無愧。其好友薛凱琪、藍奕邦則呼籲他報警,以保安全。

Wyman、熊黛林、馬詩慧、Amanda S.等昨日出席連卡佛舉行的Fashion's Night Out時尚派對。Wyman在派對前於微博表示收到疑似恐嚇的手機訊息,內容是「人不犯我,我不犯人。一切入你數,後果自負。」他受訪時直言好友們均主張他報警求助:「始終現階段只收咗一個短訊,睇定啲先,我唔想咁快去報警備案,浪費警力,反而薛凱琪、藍奕邦、王菀之都叫我去報警,驚我受到傷害,但我行得正、企得正,問心無愧,不過有啲嘢你做啱咗,有啲人都會覺得係錯,我都冇辦法,我唔會驚!(出街小心?)有啲嘢好難避,佢都係想搞亂你生活,我唔會畀佢搞到,都會照常出活動。」Wyman又表示以「How can I help you?dear」來回覆該短訊,惟對方未有回音,電話可能是「太空卡」,他續說:「希望只是惡作劇,日後唔會有手尾跟。」

熊黛林月餅氹城城

至於同場的馬詩慧回應丈夫王敏德被影到與索女多次日夜出入「私竇」,她表示認識該女子:「有時一男一女去某個地方,唔一定叫『私竇』,我知發生乜事,但唔講得,因為個女仔係圈外人,不過日夜都出入,係會令人有誤會。」馬詩慧直言與王敏德相處20年,相信老公為人。

而熊黛林透露將會放假,陪家人過中秋節,問會否約男友郭富城度佳節?她自言要陪家人,對方亦要陪家人,故不會相約慶祝,又覺得與家人慶祝一樣可以人月兩團圓,至於會否送月餅給男友家人?她即表示:「冇,但你提醒咗我要送畀朋友。」

文:名人組