歌手許廷鏗（Alfred）日前出席電台活動，近日被指體形脹爆的他稱可唱歌當減肥：「依家我飲食正常番，已經瘦咗！加上聽講用丹田唱歌用嘅運動量好大，可以當減肥！」他又透露將有新歌派台，而做牙醫的計劃會暫時擱置。
另外，提到好友張敬軒被踢爆狼咀音樂監製嚴勵行（Johnny），當日也在場的Alfred幫忙澄清：「其實成晚都好正常，本身大家同Johnny都好熟，咁啱佢生日，軒仔先禮貌上錫吓，並唔係狼咀咁誇張！（你有一齊錫？）冇啦！」