黃榕搵吳彥祖借種

現時單身的性感女星黃榕直認以往眷戀靚仔,笑言不介意向吳彥祖等型男借種,希望生個靚BB!但因在感情路上屢遇挫折,已經一事長一智,下一任男友必須是信得過的結婚對象。

性感女星黃榕(Gloria)與上任男友分手半年,Dry爆的她只好將工作表排得滿滿,但仍難掩心靈空虛,她直言想盡快再拍拖滋潤一下。不過,Gloria在感情路上屢遇挫折,經常錯遇花心男,她承認以往迷戀靚仔及型男,現在的擇偶條件亦有所改變,最重要是對她專一及愛錫自己,問到是否想找結婚對象?她說:「其實每次拍拖我都會諗結婚,明知未必有結果都會幻想吓,但依家會實際啲,唔會再咁迷戀靚仔,會相處吓覺得對方信得過先開始。」

唔做高齡產婦

她又自認母愛氾濫,笑言看到鄰家的得意小朋友,會逼對方叫她媽媽,更曾考慮問型男借種:「有諗過搵個好似吳彥祖咁嘅型男借種,或者一夜情都冇所謂,咁樣個BB都靚仔啲啦!不過都係講吓,我唔會咁做!」問到會否怕變高齡產婦?她直言想在35歲前結婚生B完成人生使命:「如果係闊太可能好啲,佢哋食多啲補品,我就唔想太遲,亦唔想未婚生仔,所以都驚o架!」

狂迷非分之想

黃榕形象hot爆,想必不乏裙下之臣,她直言有大量對她有非分之想的男狂迷,但認真的追求者不算多,問到是否因形象太性感的關係?她說:「我由18歲入行開始都係性感,如果同我拍拖就要體諒我工作,我都會尊重佢,到時會收斂啲,今年因為單身先豁出去影全裸相。」

Profile

黃榕(Gloria)

年齡:31歲

身高:1米60

體重:42kg

三圍:32C、23、33

簡歷:入行逾十年,在不少電影中客串性感演出,近兩年推出寫真而人氣反彈,寫真內大玩森林全裸,又在宣傳活動中送泳褲予Fans,言行出位。

文:立影

攝:吳文聰

泳裝:Roxy