同處電視城 Bosco杏兒無緣碰面
黃宗澤（Bosco）、胡杏兒這對分手情侶昨日分別於電視廣播城出現，不過二人無緣碰面，Bosco坦言自台灣返港後都未有機會撞到對方。問有否掛住杏兒？他謂：「我依家只係專心工作啫！（見到面會否尷尬？）唔會，打招呼囉！大家都係朋友！」他又指於台灣消瘦是因為keep fit，現時返港有母親的愛心湯水，故已肥番不少。對於有指他怕尷尬故不拍《衝上雲霄II》，他解釋只是撞期所致，年初已有此決定，但他說：「監製需要咪客串，我都係聽指令做嘢！」而打算出發拍外景的杏兒被問到有否掛住Bosco時，她笑言：「你哋啲問題好難答，（佢瘦咗咁多會否關心佢？）我相信有好多人關心佢嘅！」
