Cammi愈夜愈好學 晒腿開課
本於日校就讀的o靚模謝芷蕙（Cammi）今年三月曾表示會轉校，日前她於開學日再度踏足校園重讀中四，不過卻被發現已成功轉往夜校就讀。於星期一晚上，Cammi身穿性感熱褲、背心現身旺角街頭，並進入一間書店搜羅參考書，似為開學作準備，她一臉認真地「打書釘」，不過最後卻齋睇唔買。之後，她再轉往街頭購買乳酪醫肚，途中更被不少路人認出、指指點點評頭品足，不過Cammi一於少理，邊行邊食，然後便轉入校園返學。
讚同學好nice
放學後，Cammi接受訪問，問到為何選擇在夜校就讀？她坦言：「返夜校可以方便工作！（返學時間？）星期一至五、晚上七點至十點。」問她將來會否為工作而走堂？她笑言：「唔會！通常都係日頭先要工作！（同學有無排擠你？）無呀！大部分同學都好nice！」
唔怕招話柄
問到身穿背心熱褲的Cammi會否怕返學打扮太性感招人話柄？她即表示：「我都係着casual wear，如果日頭要返工我都會帶多套衫換！」
文：專案組