邵美琪盼男友帶旺奪獎
演員邵美琪、施祖男、曾國祥等前晚出席法國電影首映，邵美琪、施祖男罕有地拍拖出席公開活動。邵美琪全程滿面春風，當記者問到二人關係是否穩定時，她就甜到漏點頭，又問到何時結婚時，她謂：「呢啲嘢要問番男仔。」男友施祖男即回應：「我哋拍咗拖年幾，依家好穩定，一步一步嚟啦！」祖男又指自己早前憑法國電影《Urban Wolf》奪得荷里活《The Webby Awards》最佳演出獎，記者笑言美琪旺他，美琪即搶答：「我都想拎獎呀！想佢旺吓我！」
另外，同場的曾國祥透露弟弟將於9月29日擺酒結婚，他又透露自己已有拍拖十幾年的圈外女友，二人有共識不結婚。