Baby演經典名作 夏萍兒子另有心水
已故著名荷里活影星柯德莉夏萍兒子Sean Hepburn Ferrer現為著名品牌高層，昨日他出席活動，展示了不少母親的作品。對於不少華語電影欲翻拍母親的經典電影，當中有傳Angelababy將演母親的名作？他說：「雖然有好多人都相似，但柯德莉夏萍只有一個，佢係獨一無二，佢嘅美麗係發自內心，佢臨離開前五年仲做緊慈善，佢從來唔覺得自己係一個荷里活明星，佢只係當自己係一個平凡人。」
再問到Angelababy演繹他母親角色是否恰當？他大讚Baby靚，續說：「但我覺得佢唔需要扮任何人，每個人都有佢自己嘅美麗，我覺得就算翻拍都應該同原著唔同。」
另外，他又透露現正為美國一些遭虐待的兒童籌款，而妮坦莉寶文（Natalie Portman）亦有份參與這個計劃，並笑言Natalie是他心目中的新一代柯德莉夏萍。