杏兒未搬 無緣見面 黃宗澤頭都大埋
黃宗澤（Bosco）昨早先到九龍塘拍劇，下午則到西環為戚美珍（三嫂）主持的節目《珍情品味》任嘉賓，老公苗僑偉（三哥）亦到場探班。Bosco與胡杏兒分手後瘦了一個碼，相對頭部比例變大，名副其實「頭都大埋」。問有否聯絡杏兒？他說：「返咗嚟兩日，冇搵。（杏兒買咗豪宅？）咁咪好囉，佢未搬，但冇撞到。」
有傳Bosco狂發短訊與杏兒箍煲，他否認說：「朋友發短訊問候吓。（喺屋企觸景傷情？）唔好咁誇張，唔係世界末日。」他又謂復合要看上天安排。問三哥有否安慰Bosco？他笑謂說：「依家Bosco自由啦，唔使打電話報到！緣分到可能會再一齊呢。」
另外，Bosco早上與周麗淇到九龍塘為劇集《好心作怪》開工，Bosco透露戲中與周麗淇有咀戲，記者笑他可增加撻着機會，Bosco說：「同佢唔係好熟，大家係朋友，冇嘢嘅。」周麗淇笑謂：「你估咁易咩！我好專業o架！」