祖兒嫌網上購物麻煩

容祖兒與關心妍前晚為無綫錄影節目，身穿粉紅色長裙的祖兒打頭陣演出，她說：「我今年10月1日會去澳門演出，之後都有好多工作在身。」提到早前有騙徒藉歌手演唱會騙財，祖兒語重心長地說：「fans最好去官方途徑買，有信用至好交易，因為騙徒會層出不窮咁呃你。我平時上網都會去大規模嘅網站，不過好多時網上購物淨係會將貨品放喺購物車就當買咗，因為入信用卡資料好麻煩，嗰度都成萬幾蚊o架！慳番啲錢喺袋仲直接。」
祖兒穿粉紅色長裙獻唱，非常搶眼。
祖兒穿粉紅色長裙獻唱，非常搶眼。

現場所見，關心妍比之前消瘦不少，她說：「我已經好努力增肥，之前同老公去英國旅行狂食，依家100磅，肥咗4磅。（增肥準備造人？）今個月又音樂會又出碟，冇時間。但我唔介意生蛇B，因為我老爺都係屬蛇。」

關心妍扭動蛇腰演出，意態撩人。
  • 關心妍扭動蛇腰演出，意態撩人。