鄺美雲身上珠寶億億聲
甚少露面的鄺美雲（Cally）前晚佩戴過億元珠寶出席仁濟舉辦的慈善晚宴，加上以大露背晚裝示人，顯得特別高貴。其他出席嘉賓還有模特兒Jocelyn及老公Anthony、藝人鍾舒漫、區文詩與謝雪心等。
場內更有Cally與時裝設計師何國鉦合作的時裝珠寶騷，展示的珠寶價值共過億元，問到實際珠寶的價值，她說：「呢個月係咁做騷，未計到幾多！」記者笑言她身上的只是冰山一角，她即謙虛回應：「唔好咁講，都係心血嚟。（你身上都億億聲？）唔講咁多，要報稅！」至於可有留鎮店之寶給愛犬Cash？她笑言牠一早已有。
同場被指整容的區文詩，對於有指她、何紫綸及吳雨霏是整容三嬌，她說：「好耐之前都畀人話似，咁識得耐化妝同Style都差唔多，似都唔奇。」她自言現為醫學美容當代言人，承認於鼻、虎紋及腮骨打了Botox，問會否整容？她說：「唔抗拒。」
