劉家輝子女求見 護老院報警

武打明星劉家輝與第二任泰籍妻子及一對仔女曾向本報求助見父親不果,冼氏兄妹昨第3次前往護老院求見父親被拒,期間院方報警,又表示院方以二人名字沒有出現在探病名單上,以及劉家輝有再爆血管危機為由堅拒讓二人見父親。冼氏兄妹透露有感有人從中作梗,但仍會努力爭取見面。

著名武打明星劉家輝(原名:冼錦熙)去年中風入院,有指劉太趁他病重奪家產,本報記者日前聯絡劉太及兒子冼峻龍,二人反指到護老院求見劉家輝不果。

負責人員阻撓

屢被護老院拒見父親的冼峻龍與妹妹冼詠珊,昨日約5時再到護老院,遂要求原本已在護老院門外守候的本報記者陪同。二人向詢問處職員表明來意後,院方即找來負責人員阻撓,理由是冼氏兄妹攜同記者前來,以及記者擅闖私人地方拍照,院方更報警求助,警察到場了解後,只着記者及冼氏兄妹留下聯絡方法便離去,兩兄妹再與院方私下商討,求見父親。

期間院方透露劉家輝情緒不穩定,有再爆血管危機,故才慎重安排見面人選,兩兄妹直指有關安排不公平,院方則回應說:「只可以話病人曾經講過,任何人都唔想見,連保證人都唔想見。」

冼氏兄妹事後接受訪問,透露已是第3次求見父親:「第1次喺八月中睇報紙知道曾志偉探過爹哋,既然曾志偉都可以見,點解仔女冇得見?第2次我打電話畀姑娘,佢話爹哋唔想見任何人,我哋只好留低聯絡方法,亦有寫過卡,希望爹哋會主動聯絡我哋,但冇消息。院方話唔知劉家輝有我哋呢兩個仔女,其實我哋唔喺香港,保證人同院方做過乜都唔知。」兩兄妹又大控訴指有人從中作梗,並說:「我打畀Eva(劉的經理人),佢每次都係咁收我哋線,我哋希望有人可以幫到我哋。」

待院方再安排

冼峻龍強調爸爸轉護老院前見面十分順利:「我同妹妹都有睇爹哋,我哋有傾偈同一齊食飯,我應承爹哋話再睇佢,佢都話冇問題。」他又指幾經轉折才得知護老院地址,強調只是碰巧知道記者在場才相約前往求見父親。談到今後打算,二人說:「我哋可能再嘗試透過院方睇吓爹哋接唔接電話,可能佢中咗風,個腦唔清晰,又可能有人背住我哋做咗啲嘢。」他們表示暫不會尋找演藝人協會協助或報警,會待院方進一步安排後才再作決定。

至於Eva昨日接受電話訪問時,拒絕就相關言論多作回應,只說:「我保留法律追究權利,(保證人阻止劉家輝與子女見面?)唔係保證人阻止,劉師傅想見邊個,係佢自己決定。」

文:影視組