蒙嘉慧爆伊健求婚驚多過喜
蒙嘉慧明年將下嫁男友鄭伊健，昨日她親述婚事兼爆伊健求婚過程「驚多過喜」，笑言婚禮一切從簡，或者只擺兩圍酒慶祝便了事。好友方中信以「鄭太」相稱，笑她終於嫁得出替她開心。
「準新娘」蒙嘉慧（YoYo）昨日在無綫電視城為新劇《仁心解碼2》開工，首次開腔回應婚事，透露在自己生日（8月3日）前接受鄭伊健求婚。問到求婚過程，她說：「驚多過喜，過程我哋記得就得，結婚幾日後會通知大家。」剛巧昨日在教堂取景，問她會否特別緊張，她說：「點會，又唔係第一次入嚟。（籌備成點？）從來無籌備過。（擇日未？）無定日子，得閒咪早兩個鐘叫律師朋友上屋企囉，即興嘛。（穿婚紗？）唔會，一切愈簡單愈好！（拍婚紗照？）睇吓當日個mood，如果事前影不如睇番生活相。」
指分身家報道亂寫
至於會否擺酒，YoYo說：「最好唔複雜，邊度有位咪擺囉，兩圍有幾難，結婚啫。（度蜜月？）得閒咪去個trip囉。」被問結婚是否為了老人家，她說：「近年婆婆同媽咪都走咗，依家仲有daddy。我同佢講結婚佢無反應，哦咗一聲就問我飲唔飲湯，好似我一廂情願咁。」
對於有指YoYo分伊健家產，她否認說：「亂寫咗咁多年夠嘞。我分咗佢三隻貓同貓沙，我仲要『筆』屎同照顧。」
方中信賀終嫁得出
方中信昨日對YoYo大叫「鄭太」，她幸福表示「多謝晒」，方中信笑說：「終於結到婚，戥你哋開心，出年一定要早啲通知大家，大家早啲到。」YoYo反擊說：「你又唔早啲通知我？」方中信說：「我唔夠錢嘛，擺得嗰兩圍費事啦。」YoYo笑問他會贊助多少圍，方中信笑言：「一定大搞。」
文：影視組