劉倩婷增磅「歸功」情侶餐

藝人劉倩婷昨日為服裝旗艦店開幕剪綵，透露下年2月2日跟堪輿家李丞責（James）結婚的籌備進度緩慢：「依家四圍偷師，諗緊idea造結婚晚裝，James就忙緊搞新舖。（晚裝性感？）我一向唔係行呢條路線，最緊要係美感，我鍾意宮廷傳統式嘅美。」她又透露最近心廣體胖：「我呢排成日同James飲紅酒鋸扒，所以肥咗。」不過她又賴皮表示：「係佢（李丞責）太瘦先顯得我肥，我都有試過叫佢增肥。」對於港姐投票失靈一事，她表示當晚亦有投票：「唔得都冇失望，我相信選得出嚟係有原因。」