高海寧撐評判畀分夠準確
高海寧（高Ling）前晚穿性感晚裝出席雞尾酒會，再次大晒深不可測的事業線。提到無綫港姐決賽被市民炮轟，當晚有份出席決賽的高Ling即力撐公司說：「呢啲係技術問題，包括我在內都踴躍投票，server有事大家都唔想見到，最後用傳統方法解決。港姐不嬲都係評判畀分，評判眼光都係準確啲。」她坦言睇好民意最高的朱千雪，但亦力撐冠軍張名雅。高Ling謂：「選出嚟個冠軍口才好好，都係實至名歸。其實三個都好sweet，朱千雪笑容有親和力，有大將之風，冠軍都唔差。」
另外，o靚模Ar Yu拋胸到場為活動打碟，更謙稱未有資格與高Ling對撼。Ar Yu坦言打碟比出寫真更好搵：「內地登台打碟搵人仔搵得多，有五至六位數，不過就較危險，試過畀人拍到個胸，自己都會小心。」
