張智霖牛一放生願望瞓得

張智霖(ChiLam)生日選擇出海放生,為身邊朋友祈福。最近他更狂碌人情卡,成功邀得好友蔡一智客串其主演電視劇,豈料開工前卻上演一幕「公路迷失記」,可謂老貓燒鬚。

ChiLam昨41歲生日,他原本有工作在身,最終意外獲得一天假期。一向善心的他選擇與太太袁詠儀出海放生,揚言要為身邊好友們祈福。談到生日願望,他表示自己已無欲無求:「最想都係身體健康,早排失眠,希望能夠一覺瞓到天光囉。」他又透露晚上只會留在家中,與家人簡單飯聚,未有打算大肆慶祝。

蔡一智客串

而近日ChiLam忙於為無綫劇集《衝上雲霄2》開工,扮演機師的他被塑造出公子哥兒的形象,惹來不少車行爭相贊助,他搞笑謂:「天氣咁熱,胡杏兒同吳卓羲開工比較辛苦,因為佢哋要踏單車,而我出入就有名車代步。(引你再買車?)呢方面我冇漣漪嘞。」他又狂碌人情卡,望好友們「拔刀相助」客串,而蔡一智輕易被ChiLam氹掂,首肯扮演飛機維修員,預計佔戲兩天:「佢對上嗰部劇咪係同我拍嘅《衝天小子》囉,計計吓都有20年嘞,呢次大家默契十足,發揮到喜劇效果。」

誤闖入元朗

當問到與老友演對手戲的難忘事,ChiLam謂:「開工前諗住車埋佢一齊入機場,點知兩個掛住傾偈,結果行錯路入咗元朗都唔知,搞到要遲到,真係匪夷所思。」他又不排除日後倘有其他串星現身:「都要睇吓人哋嘅檔期,叫就叫咗嘞,袋住喺袋先啦。」

文:影視組