Eason險墮台爆最後一「蛋」
「吹神」陳奕迅（Eason）在亞洲國際博覽館舉行一連三場的演唱會前晚圓滿結束，太太徐濠縈、女兒康堤再度現身，梁漢文、Eric Kwok夫婦等捧場。Eason全晚都High爆，「安哥」後換上花花綠綠運動裝的他加時40分鐘演出，當演唱新歌《非禮》，邊唱邊拿迷你攝錄機親拍MV，其後走近台邊找朋友幫他揸機拍攝，突然失重心向前一仆，幸他企得穩，雖然受驚但仍然睩大對眼搞笑說：「嘩！差啲又爆蛋呀，爆埋嗰粒唔得掂。」笑爆全場。
Eason又不忘「吹神」本色，擺出「低能」樣自嘲白癡之餘，甚至連美國百變天后Lady GaGa都開玩笑，說GaGa同鄭融一個樣，但鄭融比GaGa靚。