吳千語陳嘉桓同枱拒合照

吳千語稱跟Rose有偈傾：「我曾經喺一個活動上見過佢，有自我介紹。（尷尬？）緋聞都唔係真，所以唔尷尬。」談到林峯似乎鍾情內地乳牛？她口窒窒說：「你要問佢。（所以佢對你冇意思？）可能係，我唔知佢擇偶條件。如果只睇外貌就好膚淺。（林峯膚淺？）每個人觀點唔同。」對於有報道指她為留住林峯而狠撇圈外男友，而跟她同公司的女藝人盛君又向林峯獻殷勤，吳千語承認與男友分手，但與第三者無關：「我當報道係古仔咁睇，我識盛君，大家有交換電話。我依家同林峯一齊拍戲，我都有畀篇報道佢睇。」