樊少皇昨晚終打破緘默，接受本報獨家專訪：「喺JJ之前，我確實喺內地有過一個女友，置業時因為想做按揭，所以用女友個名去登記，點知分手後佢唔肯轉番個名畀我，並唔係我送樓去追佢！（同女助手拍拖？）黐線，冇咁嘅事。」至於有報道指他去年還與女友及仔女一家去睇戲，他亦連聲否認：「冇喎，邊有人睇完戲會留番飛尾呢？」
樊坦言心情受影響，除擔心JJ亦憂心一對子女受騷擾。不過JJ日前發表愛的宣言，他感動不已：「遇到佢，我人生先重燃希望。」談到被飛出節目錄影，因為劇集趕工他才未能度期參予錄影而已。而JJ昨封口不再開腔護愛郎，更突然缺席昨晚《怒火街頭2》煞科飯局。