李蔓瑩開心少女擅演阿妹

周柏豪師妹李蔓瑩(Renee)笑容甜美嬌滴滴,常被廣告商睇中,早前周街可見她在相機廣告中展示親切笑臉,她說:「可能我笑點低,咩都笑一餐,感染到身邊嘅人都有快樂嘅感覺!」

傳理系剛畢業的Renee正考慮前程,選擇在主播、模特兒、演員或公關方面發展,事實上,Renee個性爽朗口齒伶俐,又有表演天分,曾在學校參演舞台劇,拍搞笑戲、喊戲都冇難度。

21歲的Renee一副童顏,多演細妹及學生妹角色,去年有份拍攝黃百鳴電影《開心魔法》,最近與同門周柏豪、楊愛瑾及連詩雅等合作微電影,再演「拿手」細妹角色,她不擔心角色被定型,因每個性格都不同,她說:「今次呢個阿妹比較任性,仲未婚懷孕,有場戲要去診所墮胎,我投入到真係起晒雞皮,感受到嗰份恐懼。」

Profile

姓名:李蔓瑩(Renee)

年齡:21歲 身高:157cm

入行:獲模特兒公司Starzpeople睇中及簽約,曾拍攝Samsung相機、1Day Acuvue隱形眼鏡及果粒橙廣告及電影《開心魔法》。