Jun風騷哼歌默認戀情
向來予人性格火爆的Jun，2010年在澳門因當時女友不適到急症室求診，期間他揮拳打傷醫生，上月被裁定罪名成立，最終罰判37萬元。但昨日Jun一反常態，極度合作任問任影，連負責採訪記者亦大感意外。他在機場接受訪問時亦表現風騷，更搞鬼地以音樂回應與憶蓮相戀，冧女果然有一手。
記：記者 恭：恭碩良
記：依家係咪正式公開？
恭：（得戚表情哼歌）：la la la（唔知咩歌）。
記：咁係咪代表認？
恭：（開心默認）不如我唱首歌你聽啦！
記：你哋幾時返？
恭：做完就返嚟，下星期。
記：唔會去旅行補祝生日？
恭：唔得呀！我好忙呀，返嚟要幫個新人隻唱片做監製。憶蓮都要返香港開會，佢都冇時間啦！
記：憶蓮點同你慶祝生日？送咗咩禮物畀你？
恭：（甜絲絲表情）都係切吓蛋糕啦！