阿倫食店開張人奶贈興
「校長」譚詠麟（阿倫）及李克勤昨日為有份投資的「左麟右李粥麵小菜專門店」剪綵，不少圈中好友如胡楓及黃柏高等均現身支持，更吸引半百途人及歌迷圍觀。
囝囝轉食粥
二人受訪時不停試食店內美食及大讚好食，並說會經常落店巡視，確保食物水準。問到他們的家人可有試過其店的食物？克勤說：「兩個囝囝都食過，依家傳奶粉有事，細路唔好食咁多奶粉，食雲吞麵、粥好啲。」克勤說細仔已戒奶，搞笑的阿倫即把握機會，開對方玩笑：「咁大個仲飲人奶？留番畀老竇啦。」令克勤還擊說：「唔怪得杜麗莎咩啦。（指阿倫先前與杜麗莎合辦個唱，但於訪問中激嬲對方，令對方黑面）」
唱到八十歲
問到兩人是否打算當飲食界巨子？阿倫謂要循序漸進，但之後會開分店，亦有進軍內地的打算。問到明年成立十周年的「左麟右李」是否會開騷？他們透露於計劃當中，已向紅館申請檔期，阿倫說：「第一次拎新年檔期但拎唔到，不過我點都會丟個身出嚟。」問到他們會唱多幾多年？克勤謂沒有所謂，而阿倫則說只會唱到80歲。
文：音樂組