鄭希怡施髮術 遮疤痕等嫁

Yumiko於6月底在泰國布吉發生意外，跌落30呎山坡，更曾昏迷2日。休息近2個月後，她昨日首度復工出席海洋公園保護鯊魚活動，並向傳媒交代病情：「之前我頸椎移位，喺布吉做咗固定手術，鑲咗4粒螺絲喺骨入面，不過醫生都讚我康復得快。」

拒絕紋身

未完全傷愈的Yumiko稱頸部暫未能活動自如，更見她助手手持頸箍以防萬一，她說：「我依家講嘢唔可以好大動作，要好似謝賢四哥咁，一郁就要成個人轉身！」

鄭希怡頸背位五吋長疤痕清晰可見。

鄭希怡遊泰國受傷，感激未婚夫對她不離不棄。（資料圖片）

現時一頭短髮的Yumkio頸背位置清晰可見一道十足手指尾的5吋長疤痕，並貼上透明去疤貼。她笑言留疤當紀念：「我自己唔介意，亦唔會刻意紋身遮住，當係紀念啦！」但一提到人生大事，剛獲求婚的她絕不容許不完美：「我覺得依家唔夠靚，做新娘要留長頭髮遮住靚啲！」

放大圖片	鄭希怡助手帶定頸箍以防萬一。

擺酒冇翅

Yumiko又向化妝師未婚夫Andy發表愛的宣言：「多謝佢喺我人生最唔靚、最冇用嘅時候娶我！（因禍得福？）都係o架，跌一跌但賺咗個老公返嚟，有朋友仲笑我係早有預謀跌落去。」問到何時結婚？她謂：「預計下年年中之後，期間會向朋友取經，但我擺酒一定唔會食魚翅！」她又大呻因傷勢而推了幾部武打電影，下月將開拍兩部文戲為主的電影。

文：音樂組