陳鈺芸跆拳黑帶由細打大
歌手陳鈺芸（JuJu）睇得、唱得更打得！才學了跆拳道一年半的她，早前剛考獲黑帶，她說：「我由細到大都好鍾意睇動作片，李小龍係我偶像。所以我好鍾意學功夫，最想係成為打女！」對於可以在一年半的短時間內考獲黑帶，她坦言全靠以往學功夫的底子：「我11歲開始就學柔道，之後讀中學時接觸空手道，到投身社會工作就學洪拳、雙節棍、詠春等功夫，其實我真係好鍾意學功夫！跆拳道師傅話我係佢咁多個女徒弟中，最快考到黑帶嘅一個！」
雖然JuJu已考獲黑帶，但她坦言這只是一個開始：「我依家只係黑帶一段，其實跆拳道最高係有九段，所以我會繼續考上去！」對於為何會接觸跆拳道，JuJu坦言：「因為拍動作片嘅時候，如果想踢得好睇，就一定要有跆拳道嘅底子，所以我就去學，一星期上足四堂！我真係好希望將來拍打戲嘅時候，可以靠自己嘅真功夫！」
