靚靚臂力勁魔童變樹熊

袁詠儀（靚靚）自06年為老公張智霖（Chilam）誕下寶貝仔魔童後，一直對囝囝寵愛有加，雖然她不時把囝囝的生活照上載到微博跟大家分享，但又怕囝囝被傳媒偷影，可謂十分矛盾。

時裝店齊濕平

將到內地留一星期拍攝新戲的靚靚，日前就趁起行前，與老公帶同囝囝魔童外出行街兼剪髮。當日下午5時，一家三口現身中環街頭，Chilam拿着老婆做封面的時裝雜誌，而靚靚就拖住5歲半的魔童緊隨其後，但一向唔想囝囝被影的靚靚，見到記者即一手抱起囝囝，並將囝囝背向鏡頭，而魔童就乖乖伏在媽咪膊頭上。

Chilam一家三口現身中環，靚靚拖住5歲半囝囝緊隨其後。	錫老婆的Chilam拿着靚靚做封面的雜誌。	魔童在時裝店內不時偷望門外的記者。

問到他們去邊？靚靚表示：「啱啱去咗剪頭髮。」說罷便與老公進入了附近一間時裝店。

囝囝偷望記者

當Chilam與靚靚在店內睇衫時，好奇的魔童不時探頭偷望門外記者。逗留約15分鐘，見店員手持大袋戰利品幫他們搬上車，而魔童繼續樹熊般掛在媽咪身上，上到車，靚靚依然不讓囝囝上鏡，邊㩒住囝囝個頭、邊向記者揮手道別，然後齊齊由司機接送離開。

文、攝：追蹤組